Дорогие братия и сестры! По благословению настоятеля нашего храма иерея Михаила Сергеева, начиная с поздней Литургии 27 января, на некоторых богослужениях, 33 псалом (после Причастия) будет исполняться ВМЕСТЕ С НАРОДОМ (как Символ Веры и «Отче наш…»). Для ознакомления приводим текст этого псалма а также видеозапись его исполнения. Эти тексты Вы также сможете на время службы взять за свечным ящиком
Благословлю́ Го́спода на вся́кое вре́мя,/ вы́ну хвала́ Его во усте́х мои́х./
О Го́споде похва́лится душа́ моя́, /
да услы́шат кро́тцыи и возвеселя́тся./
Возвели́чите Го́спода со мно́ю/
и вознесе́м и́мя Его вку́пе./
Взыска́х Го́спода и услы́ша мя, /
и от всех скорбе́й мои́х изба́ви мя./
Приступи́те к Нему́ и просвети́теся,/
и ли́ца ва́ша не постыдя́тся./
Сей ни́щий воззва́, и Госпо́дь услы́ша и́,/ и от всех скорбе́й его спасе́ и́./
Ополчи́тся Ангел Госпо́день о́крест боя́щихся Его,/
и изба́вит их./
Вкуси́те и ви́дите, я́ко благ Госпо́дь;/ блаже́н муж, и́же упова́ет Нань.
Бо́йтеся Го́спода, вси святи́и Его,/
я́ко несть лише́ния боя́щымся Его./
Бога́тии обнища́ша и взалка́ша,/ взыска́ющии же Го́спода не лиша́тся вся́каго бла́га./
Прииди́те, ча́да, послу́шайте мене́, /
стра́ху Госпо́дню научу́ вас./
Кто́ есть челове́к хотя́й живо́т,/
любя́й дни ви́дети бла́ги?/
Удержи́ язы́к твой от зла,/
и устне́ твои́, е́же не глаго́лати льсти./
Уклони́ся от зла и сотвори́ бла́го./
Взыщи́ ми́ра, и пожени́ и́./
о́чи Госпо́дни на пра́ведныя, /
и у́ши Его в моли́тву их./
Лице́ же Госпо́дне, на творя́щыя зла́я,/
е́же потреби́ти от земли́ па́мять их. /
Воззва́ша пра́веднии, и Госпо́дь услы́ша их,/
и от всех скорбе́й их изба́ви их. /
Близ Госпо́дь сокруше́нных се́рдцем,/
и смире́нныя ду́хом спасе́т.
Мно́ги ско́рби пра́ведным,/
и от всех их изба́вит я́ Госпо́дь. /
Храни́т Госпо́дь вся ко́сти их,/
ни еди́на от них сокруши́тся. /
Смерть гре́шников люта́,/
и ненави́дящии пра́веднаго прегре́шат. /
Изба́вит Госпо́дь ду́шы раб Свои́х,//
и не прегреша́т вси, упова́ющии на Него́.
